2019-07-04

Platerotarrak Pirineotan (Ekainak 29-30)

Uda heldu eta honekin batera bagenuen gure Pirinioetako lehen hitzordua, Camille xendaren zatitxo bat genuen helburu.

Azpiegiturak behartuta ibilbide zirkularra egitea erabaki genuen,  gaua Bisaltico bordan lotuta.

Zurizako aparkalekuan elkartu ginen larunbat goizean eta handik Camille xendako marka berde-horiei jarraiki, Alano orratzak zeharkatu genituen Achar de Alano albo batean eta aurrerago Peña Forca ere ezkerrean utzita.
Eguerdirako Bisaltico bordatik gertu zeuden erreka eta potzuetan bainua hartzeko geldialdia egin genuen. Ederra freskatua, merezitakoa bai horixe!

Bisalticora iritsi eta talde osoa bilduta garagardo artean ospatu genuen.
Afari dexentea izan genuen eta gehienok ederki egin genuen lo aterpeko koltxoietan.

Biharamunean, goizean goiz irtetea genuen buruan, batez ere gehiegizko beroa ekiditeko. Baita lortu ere, hantxe izan ginen martxan goizeko 7:30 ingururako.

Bisalticotik Ozako oihanera abiatu ginen, “Boca del infierno 25km”-ko mendi lasterketa gure inguruan pasa zelarik. Ozan, GR-11 hartu eta Estribiellako leporantz ekin genion, Taxeras bideari jarraiki Alanoen ikuspegi ederrarekin ibilaldia bukatu eta Zurizara itzuliz.

Sekulako beroa pasa arren, benetan erritmo eta giro aparta izan genuen  hamalau lagunek asteburu osoan. Ahal bezain pronto errepikatzeko moduko esperientzia izan da!





2019-05-04

Maiatzak 11, Platerotarrak Eguna 2019

Iritsi da haurtengo gure Platerotarrak eguna!
Ihaz egin genun bezala, bi aukera daude, Antiguotik goizeko 6tan atera ta 35 kilometroko ibilbide osoa egitea ala Andazarreten, goizeko 10tan,  Antiguotik gatozenekin batu ta Gazume igotzea.
Ibilbidea bukatu ondoren bazkaria Iturriondon.
Anima zaitezte!!
emailez izena eman dezakezu nahi ez gero: platerotarrak@gmail.com


2019-03-26

2019 Martxoak 23: Udalaitz

Platerotarren aurtengo lehen mendi irteera, Udailaitzera.

Marxoaren 23 larunbatean, udaberriari harrera eginez burutu genuen aurtengo lehengo mendi irteera. 
Ohiko legez Antiguako Arkitektura aparkalekuan genuen goizean goiz hitzordua. Bertan kotxeak antolatu eta Arrasateko Udalara auzorantz abiatu ginen. 
 
Goizeko bederatziak aldera hamalau lagun ginen Udalan, abiapuntuan. Ura, janari ta beharrezko dena genuela ziurtatu eta hantxe hasi ginen maldan gora eta gora. 
 
Ia konturatu ere egin gabe Udalaitzen lehen tontorrean ginen, Urkiolako zerra guztia aurrean genuela, eta atzean Gorbea zuri ageri zen. Udalaitzen gailur nagusian hamarretakoa egin eta hemendik aurrera jarraituz, Erdikoatxa; Atxaurrutxugane, eta Besaidetik igaroz osatu genuen ibilbide zirkularra.  
 
Gainera Besaiden, Gipuzkoa, Bizkaia eta Arabak bat egiten dutela ere ikasi genuen, izan ere Udalaitz eta Anboto artean hiru probintziak batzen dituen harria dago, egunero ikasten da zerbait...
 
Goizpasa eder hau bukatzeko Udala auzoko ostatuan egin genuen geldialdia, giro apartean jan edanez gozatzeko.
 
Hurrengo irteeraren zain!
 
 



















 

2019-01-13

Urtarrilak 17: Mikel Sarasolaren hitzaldia

 
Kaixo denoi!
Ostegun honetan,urtarrilak 17, 19:30etan, Mikel Sarasola muturreko kayakista eta abentureroaren hitzaldia egongo Txantxarreka gaztetxean.

Mikel,herrialde ezberdinetatik ibiltzen da ia jetsi ezin daitezkeen erreka,urjauzi etab.-ak bilatzen. Espedizio hauek nola antolatu azalduko digu,tokiak nola aukeratzen dituzten eta piraguista-extrem izatera nola iritsi den.

Anima zaitezte! Dohain izango da noski.

2018-10-23

Aralarren egindako irteera (18/10/21)

Irailak 21. Malloak.

Goizean abiatu geranean, ihintzak oraindik lanbropean mantendu gaitu udazken koloretan zegoen basoan zehar. 
Maite ditut maite gure bazterrak lanbroak izkutatzen garenean!
Baina basotik atera eta altuera hartu dugunean, Gipuzkoa estaltzen zuen hodei itsasoen gainean kokatu gara eta liluratuta geratu gara begi bistan genituen kantauri aldeko mendi tontorrak identifikatzen. Hor dugu bistan gaurko lehen tontorra, Artubi.
Artubi gainean lehen mokadutxoa jan ondoren, Malloetako gailurretako gora-behera abiatu dugu. Gutako indartsuenek tontor guztiak egin dituzte; Uakorri, Elizkaitz, Beoain, baina gehienak Aldeonerainoko bidea magaletatik egin dugu. 
Gure asmoa Hirumugarrietara iristea zen, baina goiza aurrera zijoan eta nahiago izan dugu Minetan barrena etxera itzultzea. 
Oraindik ere meatzetako garaitik geratzen diren eraikin eta teleferikoak ikusi ditugu, gure herriaren ondaren etnografikoa apreziatuz.
Beheranzko paisaia hau ere zoragarria da, bai errekako putzuak eta baita bide  bazterrean dauden Lizardi ederreko artzai bordak ere. 
Azkenean heldu gara parkinera, denak onik eta pozik.
 
 












 



 





 



2018-10-16

Urriak 21, Igandean, Aralarrera irteeera

Kaixo,
Datorren igandean irteera zirkularra egingo dugu.
Antiguan, Arkitekturako parkinean geratuko gara eta kotxea 
Amezketako Ganbo parkinean utzita,  Artubi-Uakorri-Beoain-Aldaon-Hirumugarrieta  igo eta Minetatik Amezketara itzuliko gara.

Ibilbide luzea da (20 km inguru), baina zailtasun teknikorik gabea.

Animatu! Bista izugarriak ditu eta Aralarko larre motzetan barrena ibiltzea plazerra da!

2018-09-30

Irailak 21-22: Gorbea gauez

Nahiz eta ailegatu ginenean behe laino itxia zegoen, goizaldean ateri ta garbi garbia zegon.

Frontala jantzi ta goruntz hasi ginan, tipi tapa, iluntasunean erreferentzirik gabe, uste baino azkarrago ailegatu ginen tontorrera. Han egunsentiaz giro ederran gozatu izan ahal genun.
Hementxe egun hartako argazki ta bideo batzuk: